భారతీయ పురాణ, ఇతిహాసాల విశేషాలను కళ్ల ముందుంచే సంపూర్ణ ఆధ్యాత్మిక, పౌరాణిక సందర్శనా స్థలం కుందా సత్యనారాయణ కళా ధామం. భారతదేశంలో మొట్టమొదటి ఆధ్యాత్మిక కళా ధామమైన ఈ అద్భుత నిర్మాణం భారతదేశ పౌరాణిక, సాంస్కృతిక, సంప్రదాయాల ఘన వారసత్వాన్ని సందర్శకులకు పరిచయం చేస్తుంది.

3 కిలో మీటర్ల పరిధిలో విశాలంగా నిర్మించిన ఈ కళా ధామాన్ని నడక మార్గంలో వెళుతూ సందర్శించాలి. రామాయణం, మహా భారతం, భాగవతం, బుద్ధుడి జీవితం.. ఇలా ఎన్నో పౌరాణిక గాథల్లోని ప్రముఖ ఘట్టాలను ప్రతిబింబించే అందమైన శిల్పాలు, విగ్రహాలు ఇక్కడ కొలువుదీరి ఉన్నాయి. ఇక్కడ పున:సృష్టించిన చారిత్రక ఆలయాల నమూనాలు అసలు దేవాలయాల నిర్మాణ శైలి, ఆకర్షణలు అసలు దేవాలయాలకు ఏమాత్రం తీసిపోవు. ఈ దేవాలయాల దర్శనం సందర్శకులకు అంతులేని ఆధ్యాత్మిక ఆనందాన్ని కలిగిస్తుంది.

సందర్శన వేళలు

ప్రవేశ సమయం:
ఉదయం 9 గంటల నుంచి సాయంత్రం 5:30 వరకు (ప్రతి రోజూ)

సందర్శన వేళలు:
ఉదయం 9 గంటల నుంచి సాయంత్రం 7 గంటల వరకు (ప్రతి రోజూ)

ప్రవేశ రుసుము

పెద్దలకు : రూ.350
పిల్లలకు : రూ.300
(5 ఏళ్ల లోపువారికి ఎలాంటి రుసుము లేదు)

భారతదేశ దేవాలయాలు

కాశ్మీరు నుంచి కన్యాకూమారి వరకు ఉన్న పుణ్య క్షేత్రాలన్నీ ఒకే తీర్థయాత్రలో ఒకే చోట దర్శిస్తే ఎలా ఉంటుందో ఊహించుకోండి! అలాంటి ప్రముఖ పుణ్య క్షేత్రాల నమూనాలు, దేవతా విగ్రహాల ప్రతిరూపాలకు నెలవైన సురేంద్రపురిలో మీరు అలాంటి తీర్థయాత్ర చేయవచ్చు. అసలు దేవాలయాలను పోలినట్లు చక్కని నిర్మాణ శైలిలో ఇక్కడి నమూనా ఆలయాలను తీర్చిదిద్దారు. ఈ నమూన దేవాలయాలలోని ప్రతి భాగం, ప్రతి శిల్పాన్ని అసలు దేవాలయ విశిష్టతను ప్రతిబింబించేలా భక్తిశ్రద్ధలతో నిర్మించారు. ఈ కళా ధామం సందర్శనను మీరెప్పటికీ మరచిపోలేరు. కారణం…అందంగా తీర్చిదిద్దిన దేవాలయాలే కాదు.. దేశంలోని అలాంటి దేవాలయాలన్నింటిని ఒకేచోట దర్శించినందుకు!

సప్త లోకాలు

సప్త లోకాల వైభవాన్ని ప్రత్యక్షంగా చూడటానికి సిద్ధం కండి. బ్రహ్మ లోకం, విష్ణు లోకం, కైలాసం, నాగ లోకం, ఇంద్ర లోకం, యమలోకం(నరకం), పాతాళ లోకాలను ఈ సురేంద్రపురిలో వీక్షించండి. వైకుంఠంలోని సప్త ద్వారాల గుండా ప్రయాణిస్తూ విష్ణుమూర్తి దశావతారాలను ఇరువైపులా సందర్శించండి. మరపురాని ఆధ్యాత్మిక అనుభూతులను సొంతం చేసుకోండి. పురాణాల్లో వర్ణించిన విధానంలోనే ఈ సప్త లోకాలను జాగ్రత్తగా నిర్మించారు. ఈ దైవ లోకాలన్నీ మీకు ఆయా లోకాల పరిస్థితులను కళ్లకు కడతాయి.

ఇతిహాసాలు, పురాణాలు

మనమంతా రామాయణం, మహా భారతం, భాగవతం, వివిధ పురాణాల్లోని కీలక ఘట్టాల గురించి విని ఉంటాం, చదివుంటాం. వాటిలోని అద్భుత దృశ్యాలను, ఆసక్తికర ఘట్టాలను మన మనస్సులో ఊహించుకుంటూ ఉంటాం. అలాంటి కీలక ఘట్టాలను వరుసగా కళ్లకు కట్టే స్ఫూర్తిదాయక శిల్పాల వరుసలను సురేంద్రపురిలో వీక్షించవచ్చు.

క్షీర సాగర మథనం : మంధర పర్వతాన్ని కవ్వంగా ఉపయోగించి క్షీర సాగరాన్ని దేవతలు, రాక్షసులు కలిసి మధించడం.

గజేంద్ర మోక్షం : మొసలి బారిన పడ్డ గజేంద్రుడిని రక్షించడానికి మహా విష్ణువు తరలి వచ్చే కమనీయ ఘట్టం.

బాల కృష్ణుడి లీలలు : శ్రీ కృష్ణ భగవానుడు బాల్యంలో ప్రదర్శించిన శక్తియుక్తులు, లీలా వినోదాల సమాహారం. కాళీయ మర్దనం మొదలుకుని చిటికెన వేలు మీద గోవర్ధన పర్వతాన్ని ఎత్తడం, గోపికలతో రాస లీలలు ఆడటం మొదలైన సుందర ఘట్టాల సమాహారం.

భగవద్గీత : కురుక్షేత్ర యుద్ధంలో శ్రీ కృష్ణ పరమాత్మ అర్జునుడికి జ్ఞానోపదేశం చేసే ఘట్టం. ఇరు వైపులా మోహరించిన సైన్యాలు, శ్రీ కృష్ణుడి విశ్వ రూప విగ్రహం ఇతర ఆకర్షణలు.

పద్మ వ్యూహం : మహా భారత యుద్ధంలో అభిమన్యుడిని ఓడించడానికి పన్నిన యుద్ధ వ్యూహం. ఈ దృశ్యాన్ని మీరు నిజ జీవితంలో అనుభూతి చెందేటట్లు తీర్చిదిద్దారు.

హనుమంతుడి కథ : పుట్టుకతోనే పేరు ప్రతిష్ఠలు తెచ్చుకున్న హనుమంతుడు ఎన్నో ధీరోచిత కార్యాలు చేశాడు. రామలక్ష్మణులతో కలిసి అయోధ్యకు పుష్పక విమానంలో వెళ్లడం.. ఇలా ఆయన జీవితంలో ఎన్నో ముఖ్య ఘట్టాలు శిల్పాల రూపంలో సురేంద్రపురిలో కొలువుదీరాయి. ఇవే కాకుండా నయన మనోహరమైన ఎన్నో విగ్రహాలను ఈ కళా ధామంలో ప్రతిష్ఠించారు. బాల భారతం, బుద్ధుడి చరిత్ర ఇతర పౌరాణిక ఘట్టాలు మీకు అంతులేని ఆనందానుభూతుల్ని కలిగిస్తాయి.

సౌకర్యాలు

సామాన్లు భద్రపరిచే గది: టికెట్ కౌంటర్ వద్ద ఈ సౌకర్యం అందుబాటులో ఉంది.

మొబైల్ ఫోన్లు: ప్రవేశ రుసుముకు అదనంగా ఒక్కో ఫోనుకు రూ.100 చెల్లిస్తే వాటిని కళా ధామం లోపలికి తీసుకెళ్లేందుకు అనుమతి ఉంది.

చక్రాల కుర్చీలు: అదనపు రుసుము చెల్లిస్తే ఒక సహాయకుడు చక్రాల కుర్చీలో సందర్శకులను తీసుకెళ్లి కళా ధామం మొత్తం చూపిస్తాడు.

గొడుగులు : టికెట్ కౌంటర్లో పరిమితంగా గొడుగులుంటాయి. ఉచితంగా ఉపయోగించడానికి మీరొక గొడుగును అక్కడ నుంచి తీసుకోవచ్చు.

క్యాంటీన్: కళాధామం లోపల శాకాహారం లభిస్తుంది.

మరిన్ని వీక్షించండి